Beynəlxalq konfrans: Azərbaycan və MDB ölkələri sənətşünaslığının aktual problemləri
Bakı, 25 aprel, AZƏRTAC
Bu il AMEA Memarlıq və İncəsənət İnstitutunun yaradılmasının 75 ili tamam olur.
İnstitutdan AZƏRTAC-a bildirilib ki, müəssisənin yubileyi münasibətilə ilin ikinci yarısında “Azərbaycan və MDB ölkələri sənətşünaslığının aktual problemləri” mövzusunda beynəlxalq elmi konfransın keçirilməsi nəzərdə tutulur.
Qeyd edilib ki, pandemiya ilə əlaqədar institutun kollektivi konfransa məsafədən hazırlaşır, məruzələr üzərində iş aparırlar. Vəziyyətin normallaşacağı təqdirdə xarici ölkələrə bu barədə məlumat məktubunun göndərilməsi və əsasən MDB ölkələrindən mütəxəssislərin konfransa cəlb olunması planlaşdırılır.
Bölmənin digər xəbərləri
