Beynəlxalq konfransda tarixçi alimin məruzəsi dinlənilib
Bakı, 4 sentyabr, AZƏRTAC
İraq-Azərbaycan Dostluq Cəmiyyəti və İraq Strateji Araşdırmalar Mərkəzinin təşkilatçılığı ilə Ulu Öndər Heydər Əliyevin 100 illik yubileyinə həsr olunmuş “Heydər Əliyev və müasir ərəb İslam Şərqi” adlı beynəlxalq konfrans keçirilib.
Milli Azərbaycan Tarixi Muzeyindən AZƏRTAC-a bildirilib ki, İraqda təşkil olunan həmin tədbirdə bu müəssisənin Azərbaycan tarixinin elmi tədqiqi və təqdimi şöbəsinin müdiri, professor Nərgiz Əliyevanın “Heydər Əliyev və Azərbaycan mədəniyyəti tarixinin tədqiqi” adlı məruzəsi dinlənilib (onlayn).
N.Əliyeva məruzədə qeyd edib ki, xalqımızın böyük sərvəti sayılan Azərbaycan mədəniyyətinin himayə olunmasında Ümummilli Lider Heydər Əliyevin rolu misilsizdir. Ulu Öndər milli mənəvi dəyərlərimizin qorunub saxlanılmasına və inkişafına daim böyük önəm verib. Heydər Əliyev respublikada muzey işinin inkişafına da xüsusi qayğı göstərib.
Tarixçi alim vurğulayıb ki, Azərbaycan Respublikasının Prezidenti İlham Əliyev dahi rəhbər Heydər Əliyevin siyasi xəttini uğurla davam etdirir, ölkəmizdə elmin, təhsilin, mədəniyyətin inkişafına geniş imkanlar yaradılır.
Bölmənin digər xəbərləri
