BEYNƏLXALQ MÜSABİQƏ KOMİSSİYASININ İCLASINDA NEFT MUZEYİNİN DİZAYN-LAYİHƏLƏRİNƏ BAXILMIŞDIR
Azərbaycan Respublikası Dövlət Neft Şirkətinin mətbuat xidmətindən AZƏRTAC-a bildirmişlər ki, Bakı şəhərində Neft muzeyinin yaradılması ilə əlaqədar dizayn-layihə konsepsiyası üzrə beynəlxalq müsabiqə komissiyasının avqustun 1-də növbəti iclası keçirilmişdir.
İclasda Azərbaycanın “Region” Şirkətlər qrupunun, Fransanın “Setek İnjinirinq” MMC-nin, Avstriyanın “Hoffmann Architect”, ABŞ-ın “Bridgeborn” İnc və Yunanıstanın “Anamorphosis Architects” şirkətlərinin hazırladıqları layihələrə baxılmışdır. Nümayiş etdirilmiş layihələrdə Neft muzeyinin xarici görünüşünə fikir verilməklə yanaşı, onun ətrafında tədris korpusunun, açıq havada sərgi kompleksinin, mehmanxana və idman kompleksinin, ticarət mərkəzinin inşa olunması təklifləri də səslənmişdir.
Təqdim edilən layihələrin müzakirələrinin davam etdirildiyi və yaxın günlərdə yekun qərarın çıxarılacağı bildirilmişdir.
Bölmənin digər xəbərləri
