BEYNƏLXALQ UŞAQ FESTİVALI BAKIDA DA QEYD OLUNMUŞDUR
Səfir Turan Moralı məlumat vermişdir ki, bu bayram Türkiyə dövlətinin qurucusu Mustafa Kamal Atatürkün təşəbbüsü ilə 1920-ci il aprelin 23-ü Türkiyə Böyük Millət Məclisinin yarandığı gün münasibətilə hər il müntəzəm olaraq təmtəraqla keçirilir. Diplomat festivalın Azərbaycanda da qeyd olunmasını qardaş ölkələrimiz arasında səmimi dostluq münasibətlərinin təzahürü kimi dəyərləndirmişdir.
Sonra səfir öz vəzifəsinin icrasını bir neçə dəqiqəlik uşaqlara “həvalə etmişdir”. Bu müddətdə Bakı Türk İlk Öyretim Okulunun şagirdləri maraqlı səhnəciklə öz istək və arzularını böyüklərin diqqətinə çatdırmışlar.
Şagirdlərə hədiyyələr təqdim olunmuşdur.
Bayram Şəhriyar adına Mədəniyyət Mərkəzində Bakı Türk İlk Öyretim Okulu, Bakı Türk Anadolu Liseyi, Özəl Qafqaz İlk Öyretim Okulu, Diyanet və Atatürk liseyləri şagirdlərinin maraqlı konsert proqramı ilə davam etmişdir.
Azərbaycan və Türkiyənin dövlət himnləri səsləndirildikdən sonra, Türkiyə Böyük Millət Məclisinin yaranması barədə qısametrajlı sənədli film göstərilmişdir.
