Bilik yarışının qalibləri müəyyənləşib
Bakı,19 aprel, AZƏRTAC
Azərbaycan Dövlət Pedaqoji Universitetində (ADPU) Təhsil Nazirliyinin “SABAH” qrupları layihəsi çərçivəsində riyaziyyat və informasiya texnologiyaları üzrə bilik yarışının ikinci və final mərhələsi keçirilib.
ADPU -dan AZƏRTAC-a bildirilib ki, yazılı şəkildə aparılan yarışmada qaliblər müəyyən olunub. Birinci yeri Bakı Dövlət Universitetinin (BDU) tələbəsi Tamara Əliyeva, ikinci yeri ADPU-nun tələbəsi Nərmin Mahmudova, üçüncü yeri isə Azərbaycan Dillər Universitetinin tələbəsi Nərmin Səfərova tutub.
Səkkiz ali təhsil müəssisəsini əhatə edən yarışda ümumilikdə “SABAH” qruplarının 500-dən çox tələbəsi iştirak edib.
Qaliblərin mükafatlandırılması mərasimi aprelin 25-də Bakı Dövlət Universitetində təşkil olunacaq.
Bölmənin digər xəbərləri
