“BİR HƏSƏDİN TARİXİ” FİLMİNƏ YÜKSƏK MÜKAFAT VERİLMİŞDİR
Oktyabrın 1-dən 6-dək Rusiyanın Yekaterinburq şəhərində 13-cü sənədli filmlər festivalı keçirilmişdir. Məşhur Azərbaycan rejissoru Vaqif Mustafayevin çəkdiyi “Heydər Əliyev” filminin VII hissəsi - “Bir həsədin tarixi” filmi bu nüfuzlu festivalın əsas mükafatlarından birinə - münsiflər heyətinin xüsusi mükafatına layiq görülmüşdür. Film “dünyanın ən güclü şəxsiyyətlərinin inandırıcı və parlaq obrazlarını yaratdığına görə” fərqləndirilmişdir.
Məşhur rus rejissoru Qleb Panfilovun sədrlik etdiyi münsiflər heyətinin bu filmə mükafat verməsi kinematoqrafçılarımızın böyük qələbəsidir. Qleb Panfilov demişdir ki, “Bir həsədin tarixi” filmində Heydər Əliyevi Qorbaçovdan üstün edən cəhət nəinki tarixi faktlarla, həm də dahi şəxsiyyətin nüfuzu və cazibəsi ilə əlaqədardır.
Bölmənin digər xəbərləri
