“BİR HƏSƏDİN TARİXİ” FİLMİNİN ALMANİYADA TƏQDİMAT MƏRASİMİ KEÇİRİLƏCƏKDİR
Azərbaycanın məşhur kino rejissoru Vaqif Mustafayevin çəkdiyi “Heydər Əliyev” filminin VII hissəsi - “Bir həsədin tarixi” filminin Almaniyada təqdimat mərasimi keçiriləcəkdir.
Ölkəmizin Almaniyadakı səfirliyindən AZƏRTAC-ın müxbirinə bildirmişlər ki, filmin lent yazısı Bakıdan Berlinə gətirilmiş, mətni Alman dilinə tərcümə edilmiş, dublyaj işləri artıq başa çatdırılmışdır. Filmin təqdimatı noyabr ayının ortalarına planlaşdırılmışdır.
Gözlənildiyinə görə mərasimdə Almaniyanın görkəmli ictimai-siyasi xadimləri, ictimaiyyətin nümayəndələri, AFR-də akkreditə olunmuş xarici ölkələrin səfirləri, yerli və xarici ölkələrin jurnalistləri, bu ölkədə məskunlaşmış soydaşlarımız iştirak edəcəklər.
Filmin təqdimat mərasimi Berlinin böyük salonlarından birində keçiriləcəkdir.
Yusif Xəlilov
AZƏRTAC-ın xüsusi müxbiri
Berlin
Bölmənin digər xəbərləri
