“Bir kəmər, bir yol” forumu çərçivəsində 97,2 milyard dollarlıq sazişlər imzalanıb
Bakı, 18 oktyabr, AZƏRTAC
“Bir kəmər, bir yol” forumu çərçivəsində keçirilən biznes-konfransın iştirakçıları 97,2 milyard dollarlıq sazişlər imzalayıb.
AZƏRTAC Kazinform agentliyinə istinadla xəbər verir ki, ÇXR sədri Si Cinpin bu barədə Pekində “Kəmər və yol” təşəbbüsünün yüksək səviyyəli üçüncü forumunda bildirib.
Si Cinpinin sözlərinə görə, Çin “yaşıl” infrastruktur, “yaşıl” energetika və “yaşıl” nəqliyyat kimi sahələrdə əməkdaşlığı dərinləşdirməyə davam edəcək, həmçinin “Yol və kəmər” çərçivəsində “yaşlı” inkişaf üzrə Beynəlxalq İttifaqa dəstəyini artıracaq.
Qeyd edək ki, oktyabrın 17 və 18-də Pekində keçirilən “Bir kəmər, bir yol” təşəbbüsü üzrə üçüncü forumda 140-dan çox ölkənin 4 mindən çox nümayəndəsi iştirak edir. Eyni zamanda, 150-dən çox dövlət və 30-dan çox beynəlxalq təşkilat forum çərçivəsində əməkdaşlıq barədə sənədlər imzalayıb.
Bölmənin digər xəbərləri
