SİYASƏT
BİRGƏ FƏALİYYƏTƏ DAİR QƏRARLAR QƏBUL EDİLMİŞDİR
Qazaxıstanın Almatı şəhərində fövqəladə halların aradan qaldırılması üzrə MDB ölkələrinin səlahiyyətli nümayəndələrinin 17-ci sessiyası keçirilmişdir. Azərbaycanı tədbirdə Müdafiə Nazirliyinin Mülki Müdafiə İdarəsinin rəisi, polkovnik Cavad Qasımov təmsil etmişdir.
Polkovnik müxbirimizə bildirmişdir ki, beş gün davam edən sessiyanın gündəliyindəki 14 məsələ ətrafında faydalı müzakirələr aparılmış, ayrı-ayrı respublikaların təmsilçiləri öz ölkələrinin mövqeyini açıqlamışlar. Fövqəladə halların və texnogen qəzaların aradan qaldırılması üçün təcrübə, informasiya mübadiləsinin və əlaqələndirmə işlərinin düzgün qurulması barədə birgə fəaliyyətə dair qərarlar qəbul edilmişdir.