BİRİNCİ RÜBDƏ AZƏRBAYCANDA 2006 HÜQUQİ, 9825 FİZİKİ ŞƏXS QEYDİYYATA ALINMIŞDIR
Dövlət Statistika Komitəsindən AZƏRTAC-a bildirmişlər ki, birinci rübdə qeydiyyata alınmış 2006 hüquqi şəxsin 59-u dövlət mülkiyyətinə, 1808-i xüsusi mülkiyyətə mənsubdur. Onların 96-sı tam xarici investisiya əsasında yaradılmış, 40-ı birgə müəssisələrə, 3-ü isə bələdiyyələrə aiddir.
Yeni müəssisələrin 59,1 faizi Bakıda, 14,6 faizi Aran, 6,7 faizi Abşeron, 5,3 faizi Gəncə-Qazax, hər birində 3,4 faiz olmaqla Lənkəran və Şəki-Zaqatala, 2,5 faizi Lənkəran-Astara iqtisadi rayonlarında, qalanları isə digər bölgələrdə yaradılmışdır.
Vergi orqanlarının məlumatına görə, yanvar-mart aylarında 9825 fiziki şəxs qeydiyyatdan keçmişdir. Hüquqi şəxs yaratmadan sahibkarlıq fəaliyyəti ilə məşğul olan fiziki şəxslər daha çox Bakı, Aran, Gəncə-Qazax, Abşeron, Şəki-Zaqatala, Lənkəran iqtisadi rayonlarında qeydiyyata alınmışlar.
Bölmənin digər xəbərləri
