BİRİNCİ RÜBDƏ “ÇIRAQ” PLATFORMASINDA 1,8 MİLYON TON NEFT ÇIXARILMIŞDIR
bp-dən AZƏRTAC-a bildirmişlər ki, “Çıraq” platformasında hazırda 20 quyu istismardadır. Bunlardan 14-ü hasilat, 6-sı suvurma quyusudur. 2006-cı ilin ilk üç ayı ərzində bu platformadan təqribən 13,5 milyon barrel (təxminən 1,8 milyon ton) neft çıxarılmışdır. 1997-ci ilin noyabrından “Çıraq”da hasilat başlanandan bəri burada ümumilikdə 344 milyon barrel (46 milyon ton) neft hasil olunmuşdur.
Platformada hazırda təxminən 250 adam çalışır ki, onların da 85 faizi Azərbaycan vətəndaşlarıdır.
Bu ilin əvvəlindən bəri “Çıraq”da istismar səmərəliliyi 97 faizdən artıq olmuşdur.
Bölmənin digər xəbərləri
