Birlik ölkələrinin daimi nümayəndələri başa çatmaqda olan ildə özlərinin fəaliyyətlərinə yekun vurublar
Minsk, 17 dekabr, AZƏRTAC
Dekabrın 15-də Belarus paytaxtında, MDB İcraiyyə Komitəsində təşkilatın üzvü olan dövlətlərin Birliyin Nizamnamə və digər orqanları yanında Səlahiyyətli Dami Nümayəndələri Şurasının cari ildə son iclası olub. Bu barədə AZƏRTAC-a MDB-nin Minskdəki qərargahının mətbuat xidmətindən məlumat verilib.
MDB İcraiyyə Komitəsinin sədri - icraçı katib Sergey Lebedev iclasda iştirak edib.
İclasın gedişində daimi nümayəndələr başa çatmaqda olan ildə özlərinin fəaliyyətlərinə yekun vurublar.
Daimi nümayəndələr növbəti il üçün iş planı layihəsini nəzərə alıb həmin layihəni tamamlamağı və Şuranın yanvar ayında keçiriləcək iclasında təsdiq etməyi qərara alıblar.
Başa çatmaqda olan ildə Birlikdə Qırğızıstan sədrlik edirdi.
2017-ci ildə MDB-də Rusiya Federasiyası sədrlik edəcək.
Yeni ildə Şuranın ilk iclası yanvarın 12-də keçiriləcək. Həmin iclasda Birliyin nizamnamə və digər orqanları yanında Rusiya Federasiyasının daimi nümayəndəsi Andrey Şvedov sədrlik edəcək.
Zeynal Ağazadə
AZƏRTAC-ın xüsusi müxbiri
Minsk
Bölmənin digər xəbərləri
