BMT: Əfqanıstanda daşqınlar 30 mindən çox insana təsir göstərib
Bakı, 21 may, AZƏRTAC
Bu ilin əvvəlindən bəri Əfqanıstanda 30 mindən çox insan daşqınlardan zərər çəkib.
AZƏRTAC xəbər verir ki, bu barədə BMT-nin Qaçqınlar Agentliyi öz sosial media platformasında məlumat yayıb. Agentlik seldən zərər çəkmiş insanların təcili olaraq sığınacaq, tibbi ləvazimatlar, qida, içməli su və gigiyena vasitələrinə ehtiyacı olduğunu vurğulayıb.
Ümumdünya Səhiyyə Təşkilatı Əfqanıstanın daşqınlara daha çox məruz qalan şimal bölgələrində su ilə keçə bilən xəstəliklərin, xüsusilə ishal və dəri infeksiyalarının artdığını bildirib.
Ölkənin bəzi əyalətlərində itkin düşmüş insanların axtarışı hələ də davam edir. Yerli hakimiyyət orqanlarının məlumatına görə, cümə və şənbə günləri Faryab və qərbi Qor əyalətlərində güclü daşqınlar nəticəsində azı 120 nəfər həyatını itirib.
Bölmənin digər xəbərləri
