BMW Formula 1 yarışlarına qayıtmağı planlaşdırmır
Bakı, 8 fevral, AZƏRTAC
BMW gələcək reqlament dəyişikliklərinə belə baxmayaraq, Formula 1 yarışlarına qayıtmağı planlaşdırmır.
AZƏRTAC xəbər verir ki, bu barədə şirkətin avtomobil idmanı bölməsinin rəhbəri Yens Markard söhbət açıb. O, belə qərarın səbəbinin ciddi texnoloji fərqlər olduğunu
anladıb.
“Hazırkı V6 hibrid mühərrikinin avtomobillərin seriyalı istehsalı ilə heç bir əlaqəsi yoxdur. Mühəndislik nöqteyi-nəzərindən, mən Formula 1-də görülən işlərin qarşısında baş əyirəm. Lakin bu texnologiyaların seriyalı maşınlarla heç bir əlaqəsi yoxdur”, - deyə “Grand.PX.news” Markardın sözlərindən sitat gətirir.
Xatırladaq ki, Formula 1 çempionatında 2021-ci ildən başlayaraq, yeni texniki və maliyyə reqlamenti tətbiq olunacaq. Bu dəyişikliklərin seriyaya yeni istehsalçılar cəlb edəcəyi gözlənilir. Bununla yanaşı, Formula 1-də qeyd ediblər ki, onlar yeni komandaları artıq 2021-ci ildə qəbul etməyə hazır deyil.
Bölmənin digər xəbərləri
