BOLQARISTAN SÜRƏTLƏ İNKİŞAF EDƏN AZƏRBAYCAN İLƏ ƏLAQƏLƏRİN MÖHKƏMLƏNMƏSİNƏ BÖYÜK MARAQ GÖSTƏRİR
Görüşdə Azərbaycan ilə Bolqarıstan arasında əməkdaşlığın yüksək səviyyədə olmasından məmnunluqla bəhs edilmiş, dövlət başçılarının qarşılıqlı səfərləri nəticəsində dostluq münasibətlərinin genişləndirilməsi üçün yaxşı zəmin yarandığı bildirilmiş və bu əlaqələrin daha da inkişaf etdirilməsi imkanları barədə müzakirələr aparılmışdır.
Ölkələrimizin beynəlxalq aləmdə əməkdaşlığı, regionda uğurla həyata keçirilən irimiqyaslı beynəlxalq layihələr, Azərbaycanın Avropa və Avratlantik strukturlarına inteqrasiya sahəsində atdığı önəmli addımlar, habelə respublikamızın son zamanlar hərtərəfli inkişafı və əldə etdiyi nailiyyətlər haqqında söhbət açılmışdır.
Georgi Pirinski regionun inkişafına böyük əngəl törədən Ermənistan-Azərbaycan, Dağlıq Qarabağ münaqişəsinin beynəlxalq hüquq normalarına uyğun, Azərbaycanın ərazi bütövlüyü çərçivəsində ədalətli həllinin tərəfdarı olduqlarını xüsusi vurğulamışdır.
Sürətlə inkişaf edən Azərbaycan ilə əlaqələrin möhkəmlənməsinə Bolqarıstanın böyük maraq göstərdiyi vurğulanan görüşdə Avropa İttifaqına tamhüquqlu üzvolma istiqamətində dost ölkənin təcrübəsinin Azərbaycan üçün faydalı olduğu bildirilmişdir.
Görüşdə tərəfləri maraqlandıran digər məsələlər ətrafında fikir mübadiləsi aparılmışdır.
Bölmənin digər xəbərləri
