Bolqarıstanın “Standard” qəzeti vitse-prezident Marqarita Popovanın Azərbaycana səfərindən yazır
Sofiya, 19 dekabr, AZƏRTAC
Bolqarıstanın nüfuzlu “Standard” qəzeti bu ölkənin vitse-prezidenti Marqarita Popovanın Azərbaycana səfəri barədə məqalə yayıb.
Məqalədə ölkələrimiz arasında əməkdaşlığın enerji, mədəniyyət və digər sahələrdə genişləndirilməsinə, qarşılıqlı təcrübə mübadiləsinə toxunulub. Həmçinin yazıda qeyd edilib ki, vitse-prezidentin Azərbaycan Prezidenti İlham Əliyev ilə görüşündə ölkələrimiz arasında müxtəlif sahələrdə əlaqələrin inkişafı üçün yaxşı imkanların olduğu, tətbiq edilən şəffaf idarəçiliyin, o cümlədən “ASAN xidmət”in Bolqarıstanda böyük maraq doğurduğu və bu sahədə əməkdaşlığa önəm verildiyi barədə fikirlər öz əksini tapıb.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
