Boris Conson öz iqamətgahında Brexit şərəfinə ziyafət verəcək
Bakı, 31 yanvar, AZƏRTAC
Böyük Britaniyanın Baş Naziri Boris Conson Dauninq-stritdəki iqamətgahında Nazirlər Kabinetinin üzvləri və digər yüksəkvəzifəli məmurlar üçün Brexit şərəfinə ziyafət təşkil edəcək.
AZƏRTAC xəbər verir ki, The Guardian qəzetinin yaydığı məlumata görə, axşama sabiq Baş nazir Tereza Meyin dəvət edilib-edilməyəcəyi məlum deyil. Böyük Britaniyanın Avropa İttifaqından çıxmasına bir saat qalmış Consonun Britaniya təbəələrinə müraciətlə çıxış etməsi gözlənilir.
Brüsseldə isə, əksinə, Brexit münasibətilə heç bir tədbir gözlənilmir. Avropalı məmurlar Böyük Britaniyanın Aİ-dən çıxması qərarından təəssüfləndiklərini müxtəlif səviyyələrdə dəfələrlə dilə gətiriblər.
Britaniya Aİ-nin tərkibindən rəsmi şəkildə yanvarın 31-də London vaxtı ilə saat 23:00-da (Bakı vaxtı ilə fevralın 1-i saat 3:00) çıxacaq.
Bölmənin digər xəbərləri
