Böyük Britaniya Livandan vətəndaşlarını çıxarmaq üçün əlavə çarter reyslər təşkil edib
London, 3 oktyabr, AZƏRTAC
Böyük Britaniya Livandan çıxmaq istəyən vətəndaşlarına kömək məqsədilə əlavə çarter reyslər təşkil edib.
AZƏRTAC xəbər verir ki, oktyabrın 2-də 150-dən çox Böyük Britaniya vətəndaşı hökumət tərəfindən təşkil olunan çarter reysi ilə Beyrutu tərk edib. Yüksək tələbatı qarşılamaq üçün Beyrut-Rafik Hariri Beynəlxalq Hava Limanından cümə axşamından etibarən əlavə reyslər həyata keçiriləcək və bu uçuşlar təhlükəsizlik şəraitinə uyğun olaraq davam etdiriləcək.
Bildirilib ki, Böyük Britaniya hökuməti vətəndaşlarının kommersiya reyslərindən istifadə imkanlarını artırmaq üçün tərəfdaşlarla əməkdaşlığa davam edir. Bundan əlavə 700-dən çox hərbçi, Xarici İşlər və Daxili İşlər nazirliklərinin nümayəndələri, o cümlədən sərhəd xidmətinin əməkdaşları Kiprdə fövqəladə vəziyyət planlarının hazırlanmasına dəstək vermək üçün yerləşdirilib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
