“Böyük dəbilqə” turnirində Azərbaycanı 18 cüdoçu təmsil edəcək
Bakı, 31 yanvar, AZƏRTAC
Fevralın 8-9-da Parisdə keçiriləcək “Böyük dəbilqə” turnirində Azərbaycanı 18 idmançı (13 kişi, 5 qadın) təmsil edəcək.
AZƏRTAC Beynəlxalq Cüdo Federasiyasının saytına istinadla xəbər verir ki, kişilərin yarışında idmançılarımızdan Kəramət Hüseynov, Əhməd Yusifov (hər ikisi 60 kq), Nicat Şıxəlizadə, İbrahim Əliyev (hər ikisi 66 kq), Rüstəm Orucov, Telman Vəliyev (hər ikisi 73 kq), Hidayət Heydərov (81 kq), Məmmədəli Mehdiyev, Rüfət İsmayılov (hər ikisi 90 kq), Zelim Kotsoyev, Elmar Qasımov (hər ikisi 100 kq), Uşangi Kokauri, Şahin Qəhrəmanov (hər ikisi 100 kq-dan yuxarı) mübarizə aparacaqlar. Qadınların yarışında isə Aişə Qurbanlı, Leyla Əliyeva (hər ikisi 48 kq), Gültac Məmmədəliyeva (52 kq), İçinxorloo Münxtsedev və Aleksandra-Larisa Florian (hər ikisi 57 kq) güclərini sınayacaqlar.
Bu ilin ən nüfuzlu yarışlarından olan “Böyük dəbilqə” turnirində 122 ölkədən 800-ə yaxın idmançı iştirakını təsdiqləyib.
Turnir “Tokio 2020” Yay Olimpiya Oyunlarına reytinq xalları qazandırır.
Xatırladaq ki, ötən il Parisdə keçirilmiş analoji yarışda təmsilçilərimiz İrina Kindzerska (+78 kq) gümüş, Uşangi Kokauri (100 kiloqramdan yuxarı) bürünc medala sahib olublar.
Bölmənin digər xəbərləri
