BÖYÜK ƏDİBƏ HƏSR OLUNMUŞDUR
Oktyabrın 23-də Azərbaycan Memarlıq və İnşaat Universitetinin tələbə yataqxanasında XX əsr Azərbaycan ədəbiyyatının görkəmli nümayəndəsi, şair və dramaturq Hüseyn Cavidin 120 illiyinə həsr edilmiş mərasim keçirilmişdir.
Respublikamızın işğal olunmuş Kəlbəcər, Cəbrayıl, Zəngilan, Füzuli və digər rayonlarının orta məktəb müəllimləri və şagirdlərinin iştirak etdikləri tədbiri Hüseyn Cavidin ev-muzeyinin əməkdaşı Amalya Rzaqızı açdı.
Mərasimdə böyük sənətkarın keşməkeşli, çətin, şərəfli, eyni zamanda, faciəli ömür yolundan, habelə olduqca zəngin ədəbi irsindən ətraflı söhbət getdi.
Sonra şagirdlər H.Cavidin şerlərindən nümunələr söylədilər və sözlərinə yazılmış mahnıları ifa etdilər, “İblis”, “Ana”, “Şeyx Sənan” əsərlərindən parçalar göstərdilər.
Tədbirin sonunda məktəblərin kitabxanalarına ədibin seçilmiş əsərləri və tədqiqatçı-publisist Rəfael Hüseynovun “Vaxtdan uca” kitabı hədiyyə edildi.
Bölmənin digər xəbərləri
