Azərbaycan Dövlət İnformasiya Agentliyi

İDMAN

BRİTANİYA MİLLƏTLƏR BİRLİYİNİN OYUNLARINDAN DAHA DOQQUZ İDMANÇI QAÇMIŞDIR

25.03.2006 [16:06]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Melburnda keçirilən Britaniya Millətlər Birliyinin Oyunlarında son günlər Syerra-Leonenin birdən-birə doqquz idmançısı yoxa çıxmışdır. Bu günlərdə boksçular Gibrilla Kanu və Əli Karqbo da qaçmışlar. Beləliklə, Oyunlarda bu ölkənin 11 idmançısı “itkin düşmüşdür”.

Melburn polisi əsaslı olaraq güman edir ki, yoxa çıxan atletlər yarışlar başa çatdıqdan sonra üzə çıxacaq və siyasi sığınacaq istəyəcəklər. Syerra-Leone dünyanın ən yoxsul və korrupsiyalı ölkəsi sayılır. Onun nümayəndələri Melburna Millətlər Birliyi Oyunları Federasiyasının maliyyə yardımı hesabına gəlmişlər. Onları idman geyimi və inventarla da Federasiya təmin etmişdir.