Britaniyalı boksçu keçmiş UFC çempionu Frensis Nqannounu məğlub edib
Bakı, 9 mart, AZƏRTAC
Səudiyyə Ərəbistanında keçirilən super ağır çəki kateqoriyasında 10 raundluq reytinq döyüşündə britaniyalı boksçu Entoni Coşua keçmiş UFC (Ultimate Fighting Championship) kəmərinin sahibi fransalı Frensis Nqannounu ikinci raundda nokautla məğlub edib.
Bu barədə AZƏRTAC xarici mediaya istinadla xəbər verir.
Beləliklə, Entoni Coşua peşəkar karyerasında 28-ci döyüşündə qalib gəlib, Frensis Nqannou isə ardıcıl ikinci məğlubiyyətini alıb.
Coşuanın bu döyüş üçün zəmanətli qonorarı 50 milyon dollar, Nqannou üçün isə 20 milyon dollar olacaq. Boksçuların gəlirləri televiziya verilişlərinin satışı hesabına arta bilər.
Xatırladaq ki, keçmiş UFC çempionu peşəkar boksda debütünü 2023-cü ilin oktyabrında edib. O, Tayson Fyuri ilə döyüşüb və gözlənilmədən onu yıxmağı bacarıb, lakin bölünmüş qərar ilə britaniyalıya uduzub.
Bölmənin digər xəbərləri
