İstanbulda çökən binanın dağıntıları altında iki nəfərin axtarışları davam edir
İstanbul, 9 oktyabr, AZƏRTAC
Türkiyənin İstanbul şəhərinin Maltepe rayonunda 7 mərtəbəli binanın çökməsi nəticəsində 3 nəfər ölüb. Daha 2 nəfərin axtarışları davam edir.
AZƏRTAC xəbər verir ki, hadisə yerində axtarış-xilasetmə işləri aparılır. İndiyədək dağıntılar altından 11 nəfər çıxarılıb. Onlardan ikisi hadisə yerində, digəri isə xəstəxanaya aparıldıqdan sonra həyatını itirib.
Hazırda dağıntılar altında olduğu ehtimal edilən 2 nəfərin axtarışı davam etdirilir.
Təhlükəsizlik məqsədilə ətrafdakı 3 binadan ümumilik ümumilikdə 55 sakin təxliyə edilib.
Çökən binadan 8, təxliyə edilən digər binalardan isə 36 nəfər olmaqla, ümumilikdə 44 nəfərin hotellərdə yerləşdirilməsi təmin olunub.
Binanın tamamilə çökməsi ehtimalına qarşı möhkəmləndirmə tədbirləri görülüb. Axtarış-xilasetmə işlərində hidravlik dağıtma avadanlığından da istifadə olunur.
Xilasetmə əməliyyatına 774 əməkdaş, 2 dron, 237 nəqliyyat vasitəsi və 10 xüsusi təlim keçmiş K9 iti cəlb edilib. İşlərə AFAD, yanğınsöndürmə xidməti, polis, səhiyyə qurumları, Qızıl Aypara, İstanbul Böyükşəhər Bələdiyyəsi və Maltepe Bələdiyyəsinin əməkdaşları qatılıb.
Bölmənin digər xəbərləri
