ABŞ İran neftinə görə 17 gəmi və şirkətə sanksiya tətbiq edib
Bakı, 8 oktyabr, AZƏRTAC
ABŞ hakimiyyəti İran nefti və neft məhsullarının daşınması və satışı ilə əlaqəli 17 gəmi və bir sıra şirkətə sanksiya tətbiq edib.
AZƏRTAC xəbər verir ki, bu barədə ABŞ Maliyyə Nazirliyi məlumat yayıb.
Sanksiyaya məruz qalan 17 tanker milyonlarla barel İran nefti, yanacağı və neft məhsullarının Cənub-Şərqi Asiya bazarlarına daşınmasında istifadə olunub. Tankerlər Çin, Böyük Britaniya və Marşal adalarında qeydiyyatdan keçmiş şirkətlərə məxsusdur.
Bundan əlavə, İranın neft-kimya sənayesi ilə əlaqəli olduğu bildirilən Böyük Britaniya, Hindistan, İran, Çin, BƏƏ, Türkiyə və Marşal adalarında qeydiyyatdan keçmiş şirkətlərə qarşı da məhdudiyyətlər tətbiq edilib.
ABŞ Maliyyə Nazirliyi bildirib ki, tədbirlər İranın “kölgə donanması” şəbəkəsinin böyük hissəsinə təsir göstərir.
Bölmənin digər xəbərləri
