Azərbaycan Kubokunda daha üç oyun keçirilib
Bakı, 8 oktyabr, AZƏRTAC
Futbol üzrə Azərbaycan Kubokunun I təsnifat mərhələsində daha 3 görüş baş tutub.
AZƏRTAC xəbər verir ki, ilk olaraq “Difai” “Palms Sports” Futbol Mərkəzində (IV meydança) “Zəngəzur”u qəbul edib. Oyun qonaq komandanın 3:1 hesablı qələbəsi ilə bitib.
Digər matçlarda “Marafon” “Marafon Arena”da “Dinamo”ya 3:0, “Kür-Araz” isə Şirvan Olimpiya İdman Kompleksinin stadionunda “Şirvan”a 3:1 hesabı ilə qalib gəlib.
Ötən gün keçirilən oyunlarda “Qaradağ Lökbatan” “Şəki”ni 12:0, “Ağstafa Gəncləri” “Şəmkir”i 5:1 hesabı ilə üstələyib.
Qeyd edək ki, I təsnifat mərhələsinə oktyabrın 9-da yekun vurulacaq.
Bölmənin digər xəbərləri
