BRİTANİYALI PİANOÇU DENİEL QRİNVUD BAKIYA GƏLƏCƏK
Tanınmış britaniyalı pianoçu Deniel Qrinvud noyabrın 15-dən 19-dək Azərbaycanda konsertlər verəcəkdir. Konsertlərin ikisi Bakıda, biri isə Gəncədə olacaqdır. Pianoçunu Aleksey Miltix, Dilarə Mehdiyeva, Soltan Məmmədova və Vaxtanq İmanovdan ibarət Azərbaycan kvinteti müşayiət edəcəkdir.
Bu, Deniel Qrinvudun ölkəmizə ikinci səfəridir. Onun 2001-ci ildə Bakıda verdiyi konsertlər böyük uğurla keçmişdir. Britaniya pianoçusunun konsertləri Britaniya Şurasının və Azərbaycan Mədəniyyət Nazirliyinin dəstəyi ilə təşkil olunur. O, kamera və orqan musiqisi salonunda, Bakı Musiqi Akademiyasında və Gəncə Dram Teatrının səhnəsində çıxış edəcəkdir.
Deniel Qrinvud 1976-cı ildə anadan olmuşdur. İyirmi yaşından Avropanın və ABŞ-ın ən mötəbər salonlarında çıxış edir. O, Böyük Britaniya Kral Musiqiçiləri Cəmiyyətinin ən gənc üzvüdür.
Bölmənin digər xəbərləri
