“BRİTİŞ PETROLEUM” ŞİRKƏTİ İRİ QAZ KƏMƏRİ LAYİHƏSİ ÜZƏRİNDƏ ÇALIŞIR
AZƏRTAC xəbər verir ki, Böyük Britaniyanın “Britiş Petroleum” (bp) şirkəti və ABŞ-ın “Konoko Fillips” şirkəti Alyaska ştatından Amerika qitəsinin cənubunadək iri qaz kəmərinin çəkilməsi layihəsi üzərində işə başlamışdır. İnşaat işlərinin 30 milyard dollara başa gələcəyi bildirilir.
ABŞ-ın Avropa İttifaqında çıxan “Uoll-strit Cornel Yurop” qəzetinin yazdığına görə, Birləşmiş Ştatların neft-qaz sənayesi tarixində özəl kapital hələ indiyədək belə iri layihə həyata keçirməmişdir.
Uzunluğu 1120 kilometr olacaq qaz kəməri başlanğıcını Alyaskada ən böyük qaz yatağı sayılan “Nort Sloun” yatağından götürəcəkdir. Həmin yataqda 35 trilyon kubmetr qaz ehtiyatı olduğu təxmin edilir.
Qaz kəməri Kanada ərazisindən ABŞ-ın cənub sərhədinədək uzanacaqdır.
Hazırda bp “Nort Sloup” yatağının yaxınlığında neft hasil edir, lakin Alyaskada qaz kəmərləri olmadığından neftlə birlikdə çıxan təbii qazı geriyə - torpağın altına vurmaq məcburiyyətindədir.
Bölmənin digər xəbərləri
