BU DƏFƏ CƏHDLƏRİ BAŞ TUTMADI
AZƏRTAC-ın xüsusi müxbirinin verdiyi xəbərə görə, Gürcüstan Ədliyyə Nazirliyi Cəzanın İcrası Departamentinin istintaq təcridxanasından dörd məhbus qaçmağa çalışmışdır. Lakin bu dəfə həbsxananın mühafizə əməkdaşları və növbətçi əməliyyat qrupunun üzvləri cəhdin qarşısını almışlar. Onlar kamerada nəfəsliyi sökmüş, qıfılı mişarla kəsmiş, mələfələrdən ip düzəldərək 3-cü mərtəbədən həyətə düşmüş və divardan aşaraq qaçmaq istəyən quldurların üstünü almışlar.
Xatırladaq ki, son iki ayda Gürcüstanda islah-əmək müəssisələrindən və istintaq təcridxanalarından 49 məhbus, o cümlədən 20 nəfər xüsusi təhlükəli cinayətkar qaçmışdır. Sonra axtarış-əməliyyat tədbirləri zamanı qaçqınlardan ikisi polislə atışma zamanı öldürülmüş, biri çayda bataraq boğulmuş, bir neçəsi isə yaxalanmışdır. Lakin quldurların əksəriyyəti indiyədək tutulmayıbdır.
Bölmənin digər xəbərləri
