Bu gün Azərbaycanın regionlarında ən mürəkkəb cərrahiyyə əməliyyatları aparılır
Bakı, 10 iyul (AZƏRTAC). Son bir ildə Bakı Sağlamlıq Mərkəzi, Azərbaycan Tibb Universitetinin Tədris Cərrahiyyə Klinikası, Ağcabədi, Cəlilabad, Astara, Lənkəran və digər rayonlarda yeni xəstəxanalar tikilib istifadəyə verilmişdir.
Görülən işlər nəticəsində indi regionlarda ən mürəkkəb cərrahiyyə əməliyyatları aparılır, müasir müalicə üsulları tətbiq edilir.
AZƏRTAC xəbər verir ki, bu sözləri səhiyyə naziri Oqtay Şirəliyev kollegiya iclasında çıxışı zamanı demişdir.
Nazirin sözlərinə görə, vaxtilə rayonlarda müalicəsi mümkün olmayan ağır xəstələr mütləq Bakıya gətirilirdi. İndi isə xəstələr yalnız ciddi zərurət yarandığı hallarda paytaxta üz tuturlar.
O.Şirəliyev bildirmişdir ki, bu gün təmirdə olan rayon mərkəzi xəstəxanalarının sayı çox azdır. Bir-iki il ərzində onların təmiri başa çatdırılacaqdır.
Bölmənin digər xəbərləri
