BU İL AZƏRBAYCANIN BÜTÜN UCQAR KƏNDLƏRİ TELEFONLAŞDIRILACAQDIR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, ilin əvvəlindən bəri 220 ucqar kəndə peyk texnologiyası vasitəsilə müasir telekommunikasiya xidməti verilmişdir. “Elektron Azərbaycan“ Dövlət Proqramına əsasən ilin sonunadək qalan 225 bu tipli kənd də müasir vasitələrlə ölkənin telekommunikasiya şəbəkəsinə qoşulacaqdır.
Sabit telekommunikasiya şəbəkəsinin inkişafı “100 ailəyə 100 telefon” layihəsi çərçivəsində həyata keçirilir. Bu layihə kommersiya tipli olub, yeni nəsil texnologiyalarının tətbiqi ilə müasir genişzolaqlı xidmətlərin, yəni bir xətlə abonentlərə həm telefon, həm yüksəksürətli internet, həm də radio-televiziya xidmətlərinin verilməsini eyni vaxtda paralel olaraq həyata keçirir. Layihə texniki kreditlər, “Aztelekom” İstehsalat Birliyi (İB) və Bakı Telefon Rabitəsi İB-in gəlirləri hesabına mərhələ-mərhələ reallaşdırılır.
Hazırda ölkəmizin paytaxt və regionlarında bu müasir xidmətin on minlərlə istifadəçisi vardır.
Bölmənin digər xəbərləri
