Bu il Qax Dövlət Kukla Teatrında dörd yeni tamaşa hazırlanacaq
Qax, 21 aprel, AZƏRTAC
Mədəniyyət Nazirliyi tərəfindən təsdiq edilmiş repertuar plana əsasən, 2026-cı ildə Qax Dövlət Kukla Teatrında dörd yeni tamaşa hazırlanacaq.
Bu barədə AZƏRTAC-ın bölgə müxbirinə teatrın direktoru səlahiyyətlərini icra edən, Əməkdar artist Yusif Abdurahmanov məlumat verib.
Qurum rəsmisi bildirib ki, bu il teatrın səhnəsində Aleksandr Veselovun “Günəş və qar adamları”, Osman Abdullayevin “Təpəgöz”, Mixail Suponinin “Çılğın keçi” əsərləri, həmçinin rus xalq nağılı əsasında “Qazlar və qu quşları” tamaşaya qoyulacaq.
Hazırda yaradıcı kollektiv repertuar plana daxil edilən Aleksandr Veselovun “Günəş və qar adamları” əsəri əsasında səhnələşdirilən eyniadlı tamaşa üzərində məşqləri başa çatdırmaq üzrədir. Rejissor Araz Mehrablının quruluş verdiyi tamaşanın rəssamı Fidan Səbirli, musiqi tərtibatçısı Nicat Fətəliyevdir. Yeni tamaşa mayda uşaqlara təqdim olunacaq.
Müxbir – Mustafa Dadaşov
Bölmənin digər xəbərləri
