Bu il Qəbələdə 75 hektarda tütün yetişdiriləcək
Qəbələ, 6 may, Mustafa Dadaşov, AZƏRTAC
Bu il Qəbələ rayonunun təsərrüfatlarında 75 hektar sahədə tütün əkilməsi planlaşdırılır. Bir neçə gündür ki, fermer təsərrüfatlarında tütün şitillərinin sahələrə köçürülməsinə başlanılıb. Məhsul istehsalçıları qısa müddətdə 25 hektara yaxın sahədə tütün əkiblər.
Bu barədə AZƏRTAC-ın bölgə müxbirinə Qəbələ Dövlət Aqrar İnkişaf Mərkəzindən məlumat verilib.
Qurumdan bildiriblər ki, builki mövsümdə fermerlər 5 hektarda “Virciniya” növlü ətirli, 70 hektarda isə yerli tütün sortları yetişdirəcəklər.
Xatırladaq ki, ötən il də qəbələli fermerlər 75 hektar sahədə tütün yetişdirib, 99 tona yaxın quru tütün istehsal ediblər.
Bölmənin digər xəbərləri
