ELM VƏ TƏHSİL
Bu ildən BMU-da təkrar ali təhsil almaq üçün qəbul həyata keçirilir
![Bu ildən BMU-da təkrar ali təhsil almaq üçün qəbul həyata keçirilir](/files/2024/2/1200x630/17199173773609723829_1200x630.jpg)
Xırdalan, 2 iyul, AZƏRTAC
Bu ildən etibarən Bakı Mühəndislik Universitetində (BMU) ilk dəfə olaraq təkrar ali təhsil almaq imkanı yaradılıb.
BMU-dan AZƏRTAC-a bildirilib ki, 2024/2025-ci tədris ili üzrə təkrar ali təhsil almaq üçün universitetə sənəd qəbulu ümumilikdə 36 ixtisas üzrə aparılır.
Təkrar ali təhsil almaqda BMU-ya üstünlük verənlər üçün geniş seçim imkanları mövcuddur. Qəbul əyani və qiyabi formada olmaqla yanaşı, Azərbaycan və ingilis dillərində həyata keçirilir.
İxtisaslar və digər məlumatlarla link vasitəsilə tanış olmaq mümkündür:
Təkrar ali təhsilə tələbə qəbulu Azərbaycan Respublikası Elm və Təhsil Nazirliyinin https://portal.edu.az elektron portalı vasitəsilə gerçəkləşdirilir. Portal vasitəsilə müraciətin cari statusu, müsahibə və imtahanlara dair məlumatlar əldə etmək, eləcə də təhsil haqqını ödəmək olar.
Sənəd qəbulu avqustun 31-i saat 18:00-da başa çatacaq.