CƏMİYYƏT
Bullinqə qarşı mübarizə istiqamətində təlim proqramının ilk mərhələsi başa çatıb
![](/files/galleryphoto/2022/3/1200x630/16655789344275225633_1200x630.jpg)
![](/files/galleryphoto/2022/3/1200x630/16655789342245952512_1200x630.jpg)
![](/files/galleryphoto/2022/3/1200x630/1665578934647634555_1200x630.jpg)
![](/files/galleryphoto/2022/3/1200x630/16655789346204457678_1200x630.jpg)
Bakı, 12 oktyabr, AZƏRTAC
Azərbaycan Gənclər Fondunun dəstəyi, “Sağlam Gəncliyə Doğru” İctimai Birliyinin təşkilatçılığı, “İrəli” İctimai Birliyinin tərəfdaşlığı ilə “Stop or Stop it” layihəsinin ilk mərhələsi başa çatıb.
İctimai Birliyin mətbuat xidmətindən AZƏRTAC-a bildiriblər ki, layihənin əsas məqsədi bullinqin fəsadları haqqında maarifləndirmə aparmaq, uşaq, məktəbli və yeniyetmələr arasında bullinqə qarşı mübarizə vərdişlərini gücləndirmək, habelə gənclərdə özünəinam, şəxsiyyət hissinin formalaşdırılmasında yardımçı olmaqdır.
Layihənin birinci mərhələsində ümumilikdə 25 nəfər gənc kiberbullinq, uşaqlarla sosial iş, insan hüquqları, komanda quruculuğu, fizioqnomika, şəxsiyyətin formalaşması,“təlimçilər üçün təlim, səmərəli ünsiyyət bacarıqları və digər mövzularda müxtəlif təlim sessiyalarında iştirak edib.
Bildirilib ki, layihənin növbəti mərhələsində gənclər öyrəndikləri bilik və təcrübələri təlim və görüş formatında digər gənclərlə bölüşərək, bu sahədə təlimçi kimi formalaşacaqlar.