CAR-da avtobus yük maşını ilə toqquşmuşdur: azı 26 adam həlak olmuşdur
Bakı, 12 noyabr (AZƏRTAC). Cənubi Afrika Respublikasında avtobusun yük maşını ilə toqquşması nəticəsində azı 26 adam həlak olmuş, 11 adam ağır yaralanmış, 12 nəfər yüngül zədələnmişdir.
Frans Press Agentliyi hökumət nümayəndələrinin bəyanatına istinadla xəbər verir ki, hadisə noyabrın 12-nə keçən gecə paytaxt Pretoriyanın 100 kilometr şərqində yerləşən Kvaqqafonteyn şəhəri yaxınlığında baş vermişdir.
Toqquşma qarşıdan gələn yük maşını yolun kənarında dayanan nəqliyyat vasitəsini ötüb keçməyə çalışarkən öz zolağından çıxdığına görə baş vermişdir.
Zərərçəkənlər yaxınlıqdakı xəstəxanaya çatdırılmışdır.
Bölmənin digər xəbərləri
