Cari ildə Yunanıstanda 8270 meşə yanğını qeydə alınıb

28.08.2019 [13:13]
Çap et
A⁺ A^-

Afina, 28 avqust, AZƏRTAC

Yunanıstan yanğınsöndürmə idarəsinin son məlumatına əsasən, cari ildə ölkə ərazisində 8270 meşə yanğını qeydə alınıb.

AZƏRTAC xəbər verir ki, bu göstərici keçən illə müqayisədə iki dəfə çoxdur. Statistikaya əsasən yanğınların 20 faizi cinayət xarakteri daşıyır və müxtəlif şəxslər tərəfindən törədilib. May-iyul ayları arasında keçirilən bələdiyyə seçkiləri isə yerli orqanların yay yanğınlarına hazırlıqsız olduqlarını göstərib. Sonuncu böyük yanğın Eviya bölgəsində baş verib və minlərlə kvadratmetr meşə sahəsini məhv edib. İnsan tələfatı qeydə alınmayıb.

Yunanıstan hökuməti qarşıdakı illər üçün yanğınlarla mübarizəyə dair xüsusi strategiya hazırlamağı planlaşdırır.

İqbal Hacıyev

AZƏRTAC-ın xüsusi müxbiri

Afina