Cəlilabad məktəblisi: Ölkəmizin hər guşəsinin özünəməxsus gözəlliyi var
Quba, 29 mart, Elxan Yusifli, AZƏRTAC
Ölkəmizin hər guşəsinin özünəməxsus gözəlliyi var. Azərbaycanın şimal bölgəsinə ekskursiya zamanı Qubanı, Qusarı gəzdikcə bunun bir daha şahidi oluruq. Buranın həm təbiəti gözəldir, həm də tarixi məkanlarla zəngindir. Səfər zamanı 1918-ci ildə Qubada cinayətkar erməni hərbi dəstələri tərəfindən törədilmiş soyqırımı qurbanlarının xatirəsinin əbədiləşdirildiyi Quba Soyqırımı Memorial Kompleksini də ziyarət etdik. Bu kompleksdə olduğumuz yarım saat ərzində ötən əsrin əvvəllərində soydaşlarımızın başlarına açılan müsibətlər gözümün qarşısında canlandı. Bu tarixi faktları hər bir azərbaycanlı bilməlidir.
Bu sözləri AZƏRTAC-ın bölgə müxbirinə müsahibəsində “Ölkəmizi tanıyaq” tur-aksiyasının Cəlilabaddan olan iştirakçısı Fatimə Hüseynova söyləyib.
Cəlilabad şəhər 1 nömrəli tam orta məktəbin X sinif şagirdi bildirib ki, tur-aksiya onun yaddaşında silinməz izlər buraxacaq. “Ekskursiya çox maraqlı keçir. Bir yerdə intellektual oyunlar oynayır, mənalı istirahət edirik. Bir sözlə, səfərdən çox razıyıq”, - deyə Fatimə Hüseynova bildirib.
Bölmənin digər xəbərləri
