CENEVRƏDƏ İNFORMASİYA CƏMİYYƏTİ ÜZRƏ DÜNYA SAMMİTİ KECİRİLİR

11.11.2003 [18:20]
Çap et
A⁺ A^-

Respublika hökuməti və BMT-nin İnkişaf Proqramının “Azərbaycanın informasiya-kommunikasiya texnologiyaları üzrə milli strategiyası və onun ilkin mərhələdə həyata keçirilməsi” birgə layihəsinin milli əlaqələndiricisi Məleykə Abbaszadə Cenevrədə keçirilən informasiya cəmiyyəti üzrə Dünya Sammiti Hazırlıq komitəsinin növbəti iclasında iştirak edir.

Noyabrın 10-da işə başlayan və ayın 14-dək davam edəcək həmin iclasda dekabrın 10-12-də Cenevrədə keçiriləcək informasiya cəmiyyəti üzrə Dünya Sammitində qəbul ediləcək informasiya cəmiyyəti üzrə Prinsiplər Bəyannaməsinin və Fəaliyyət Planının layihələri müzakirə olunacaqdır.

Tədbirdə həmçinin iştirakçı ölkələrin sammitə hazırlığı da öyrəniləcəkdir.