CƏNUBİ KOREYA TARİXİNDƏ İLK DƏFƏ QADIN BAŞ NAZİR OLMUŞDUR

20.04.2006 [11:12]
Çap et
A⁺ A^-

AZƏRTAC İTAR-TASS-a istinadla xəbər verir ki, Cənubi Koreya parlamenti ölkənin tarixində ilk dəfə olaraq qadını hökumətin sədri vəzifəsinə təsdiq etmişdir. 62 yaşlı Xan Men Sok əvvəllər ətraf mühit naziri və qadın işləri naziri vəzifələrində çalışmış, habelə iki dəfə parlamentin deputatı seçilmişdir.

Xan Men Sokun namizədliyini səsvermədə iştirak etmiş 264 deputatdan 182-si dəstəkləmişdir. Onun namizədliyinə qarşı müxalifət tərəfindən elə ciddi etirazlar gözlənilmirdi, çünki ikigünlük müzakirələr zamanı deputatların əksəriyyəti Nazirlər Kabinetinin gələcək başçısının şəxsi keyfiyyətlərinə və işgüzarlıq qabiliyyətinə irad tutmağa imkan verən qüsurlar tapmamışlar.

Xatırladaq ki, əvvəlki Baş nazir Li Xe Çxan “qolf qalmaqalı” nəticəsində istefa vermişdir. Belə ki, oyunun təşkili və keçirilməsi üçün onun xərclərini tərəfdaş biznesmenlər ödəmişdilər. Onların da bəziləri şübhəli adamlardır.

CƏNUBİ KOREYA TARİXİNDƏ İLK DƏFƏ QADIN BAŞ NAZİR OLMUŞDUR

MÜƏLLİFLƏ ƏLAQƏ

Bölmənin digər xəbərləri