ÇAUŞESKUNUN DÖVRÜNDƏ RUMINİYANIN GİZLİ POLİSİ MƏKTƏBLİLƏRİ ÇUĞULLUĞA CƏLB EDİRDİ
Xüsusi xidmət orqanlarının agentləri uşaqlara hədə-qorxu gəlir və onları öz sinifdaşlarının, müəllim və valideynlərinin şübhəli hərəkətləri və artıq-əskik danışıqları barədə məlumat verməyə məcbur edirdilər. Arxiv materiallarından göründüyü kimi, bu praktika ötən əsrin 80-ci illərinin axırlarınadək, Çauşesku rejimi devrilənə qədər tətbiq olunmuşdur.
Marius Oprea demişdir: “1989-cu ildə Sibiuda gizli polis 830 adamı informator kimi cəlb etmişdi, onların 170-nin 18 yaşı hələ tamam olmamışdı. Sibiu şəhəri üzrə informasiya əsasında güman etmək olar ki, bütün ölkədə çuğulların təxminən 15 faizi uşaqlar idi”.
Çauşeskunun dövründə gizli polisin fəaliyyətinin araşdırılması ilə məşğul olan dövlət şurasının üzvü Kazimir İonesku demişdir: “İnformatorların 12-14 yaşlı uşaqların da cəlb edildiyi mürəkkəb sistemi bütün ölkədə işləyirdi”. Çauşeskunun dövründə gizli polisdə çalışmış və yetkinlik yaşına çatmayanları çuğulluğa cəlb etməklə məşğul olmuş adamların çoxu ölkədə kommunist rejimi yıxıldıqdan sonra da işləmişdir.
Bölmənin digər xəbərləri
