Çexiyada Yan Palaxın özünü yandırmasının 50 illik yubileyi qeyd ediləcək
Praqa, 15 yanvar, AZƏRTAC
Varşava Müqaviləsi ölkələri qoşunlarının1968-ci ildə Çexiyaya yeridilməsinə qarşı etiraz əlaməti olaraq Yan Palaxın özünü yandırmasının 50 illiyi ilə bağlı yanvarın 16-da keçiriləcək təntənəli mitinqin iştirakçıları Praqa müqavimət hərəkatının bu rəmzinin xatirəsini yad edəcəklər.
AZƏRTAC xəbər verir ki, tədbir Brno şəhərindəki Azadlıq meydanında təşkil olunacaq.
1969-cu ildə təkcə çex mətbuatında deyil, xarici KİV-lərdə də barəsində yazılan, Çexiya üçün əhəmiyyətli hadisə olan bu yarıməsrlik yubiley bu həftə ölkənin hər bir yerində qeyd ediləcək.
“Společně Brno” ictimai təşkilatından olan mitinq iştirakçıları kommunist rejiminin qurbanlarına həsr olunmuş qranitdən düzəldilmiş xatirə lövhəsini və yanvarın 19-da aldığı zədələrdən həlak olan Yan Palaxın portretini meydana gətirəcəklər.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
