Çin idxalı artırmaq üçün rüsumları aşağı salacaq
Pekin, 10 aprel, AZƏRTAC
Çin cari ildə avtomobillər də daxil olmaqla, müxtəlif məhsullara tətbiq edilən rüsumları azaldaraq, idxalı artıracaq.
AZƏRTAC xəbər verir ki, bunu Çin Xalq Respublikasının Sədri Si Cinpin Xaynan adasında təşkil olunan illik ənənəvi Asya naminə Boao forumunda çıxışında deyib.
Si Cinpin hökumətin ölkə əhalisinin ehtiyac duyduğu məhsulların idxalının artırılması üçün lazımi işlər görəcəyini diqqətə çatdırıb.
İdxal rüsumlarının azaldılmasının həm də daxili bazarın xaricə daha çox açılması olduğunu bildirən ÇXR dövlət başçısı, bu istiqamətdə noyabrda Şanxayda ilk Çin beynəlxalq idxal sərgisinin keçiriləcəyini deyib. O, dost ölkələri həmin sərgidə iştiraka dəvət edib.
Qeyd edək ki, Çin ötən ilin dekabrında qida, tibb, geyim məhsulları daxil olmaqla 187 malın idxal tariflərini 7,7 faizdən 17,3-dək aşağı salıb. Bundan başqa, körpə qidalarının və bezlərinin tarifləri sıfıra endirib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
