Çin məhkəməsi qətldə təqsirli bilinən cinayətkarın edam olunmasına qərar verib
Pekin, 25 yanvar, AZƏRTAC
Çin məhkəməsi insan qətlində təqsirli bilinən cinayətkarın edam olunmasına qərar verib.
AZƏRTAC Çin KİV-lərinə istinadla xəbər verir ki, Şansi vilayətinin inzibati mərkəzi olan Sian şəhərinin məhkəməsi 4 nəfəri öldürən və 7 nəfəri yaralayan Sin Haypin haqqında ölüm hökmü çıxarıb.
O, keçən ilin yayında Sianda mətbəx bıçağı ilə şəhərdaxili avtobusdakı sərnişinlərə və daha sonra ətrafda dayananlara hücum edərək 4 nəfəri öldürüb, 7 nəfəri isə yaralayıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
