ÇİN ŞİRKƏTİ SUMQAYIT ŞÜŞƏ ZAVODUNU YENİDƏN QURUR
Mərasimdə Sumqayıt Şəhər İcra Hakimiyyətinin başçısı Vaqif Əliyev, sənaye və energetika naziri Natiq Əliyev, ÇXR-in Bakıdakı səfiri Çjan Xayçjou, işgüzar dairələrin nümayəndələri və yerli sahibkarlar iştirak etmişlər.
Çıxış edənlər bildirmişlər ki, Azərbaycan iqtisadiyyatın inkişaf sürətini artırmaqdadır. Ümummilli lider Heydər Əliyevin neft siyasətinin uğurla həyata keçirilməsi müsbət nəticələr verir. Hazırda respublika yeni inkişaf mərhələsinə qədəm qoymuşdur. Dövlətimizin başçısı İlham Əliyevin hazırladığı yeni - qeyri-neft sektorunun inkişaf etdirilməsi konsepsiyası Sumqayıtdakı bütün qurumların və müəssisələrin fəaliyyət istiqamətini müəyyənləşdirmişdir.
Bu ilin aprelində Sumqayıtın sənaye potensialının artırılması məsələsinə həsr olunmuş respublika elmi-praktik konfransı keçirilmişdir. Konfransda Sənaye və Energetika Nazirliyi ilə birlikdə xüsusi işçi qrupun yaradılması qərara alınmışdır. Ciddi iş sayəsində öncül istiqamətlər müəyyənləşdirilmişdir. Planda 22 biznes layihəsini həyata keçirmək nəzərdə tutulmuşdur. Sazişin imzalanması bu layihələrin gerçəkləşdirilməsinin başlanğıcı olmuşdur.
Çinin “Şain Fi” şirkəti ipək və şüşə istehsalı üzrə ixtisaslaşmışdır. Sumqayıt şüşə zavodunda yenidənqurma işlərindən sonra pəncərə şüşələri, dekorativ şüşələr, güzgülər, şüşə qab-qacaq və başqa məhsullar istehsal olunacaqdır. Layihəyə əsasən, yenidənqurma işləri bir ildən sonra başa çatacaqdır.
Bölmənin digər xəbərləri
