Çində avtomobil satışında son 20 ildə ilk dəfə azalma müşahidə olunub
Bakı, 9 yanvar, AZƏRTAC
Dünyanın ən böyük bazarı sayılan Çində avtomobil satışında son 20 ildə ilk dəfə azalma müşahidə olunub.
AZƏRTAC BBC-ə istinadla xəbər verir ki, 2018-ci ildə Çində avtomobil satışı 6 faiz azalaraq 22,7 milyon ədəd təşkil edib. Çinin avtomobil bazarında müşahidə olunan bu azalma ölkə iqtisadiyyatının zəifləməsi fonunda baş verib.
Buna baxmayaraq, Çinin ən müvəffəqiyyətli avtomobil istehsalçısı olan “Geely” bu il satışı çoxaldacağına inanır.
Xarici avtomobil istehsalçıları da, o cümlədən “Ford”, “Volkswagen”, “Jaguar Land Rover” və “General Motors” son aylar ərzində Çin bazarında az avtomobil satdıqlarını bəyan ediblər.
Bölmənin digər xəbərləri
