ÇİNDƏ ENTEROVİRUS İNFEKSİYASINDAN ZƏRƏR ÇƏKƏN UŞAQLARIN SAYI ARTIR
AZƏRTAC Sinxua agentliyinə istinadla xəbər verir ki, Çinin Fuyan şəhərində naməlum enterovirus infeksiyasından zərər çəkən uşaqların sayı 1884 nəfərə çatmışdır.
Yaşı altıdan az olan 20 uşaq ölmüş, daha 27 uşaq ağır vəziyyətdədir. Həkimlər bildirmişlər ki, naməlum virusa yoluxma meningit, ensefalit, ürəyin və ağciyərin zədələnməsi, iflic kimi ağır fəsadlarla nəticələnir. Qızdırma və dəridə səpkilərlə ilk xəstələr xəstəxanalara mart ayında daxil olmuşlar. Çin mətbuatı yazır ki, həkimlər bu xəstəliyə qarşı hələlik nə peyvənd, nə də səmərəli müalicə üsulu tapa bilməmişlər.
Bölmənin digər xəbərləri
