Çində yük avtomobilinin tuneldə yanması nəticəsində 5 nəfər ölüb
Pekin, 28 avqust, AZƏRTAC
Çində magistral yolun üzərində yerləşən tuneldə yük avtomobilinin yanması nəticəsində 5 nəfər ölüb.
AZƏRTAC yerli hakimiyyət orqanlarının məlumatına istinadla xəbər verir ki, hadisə Şenyan-Haykou avtomagistralının Cıcian vilayətindən keçən hissəsində baş verib. Yük avtomobilinin təkəri anidən yanmağa başlayıb. Alov avtomobilin yükünə keçərək qısa müddətdə tuneldə qatı tüstünün yaranmasına səbəb olub. Nəticədə 36 nəfər xəstəxanaya yerləşdirilib ki, onlardan beşinin həyatını xilas etmək mümkün olmayıb. Yaralılardan 8 nəfərinin vəziyyəti ağırdır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
