ÇİNİN PİLOTLU KOSMİK GƏMİSİ ORBİTƏ ÇIXARILMIŞDIR

15.10.2003 [14:38]
Çap et
A⁺ A^-

Oktyabrın 15-də səhər Çinin ilk pilotlu “Şençjou-5” (“Müqəddəs qayıq”) kosmik gəmisi “Çançjen-2F” (“Böyük yürüş-2F”) daşıyıcı raketi ilə orbitə çıxarılmışdır.

Raket Çində ən uzun (58,3 metr) və ağır (479,8 ton) kosmik gəmi sayılır. “Çançjen-2F” daşıyıcı raketi ən yeni texnologiyalardan istifadə edilməklə 1992-ci ildən təkmilləşdirilir. Çin “Böyük yürüş”lərin köməyi ilə ümumən 71 kosmik gəmi buraxmış və onlar 1999-2003-cü illərdə uçuşları avtomatik rejimdə həyata keçirmişdir.

Nəzərdə tutulduğuna görə, 38 yaşlı Yan Liveyin idarə etdiyi “Şençjou-5” kosmik gəmisi Yer ətrafında 14 dövrə vuracaq və Daxili Monqolustan muxtar rayonunun ərazisinə enəcəkdir.

Szyutsyuan kosmodromundan kosmik gəminin buraxılmasını ÇXR sədri Xu Szintao və ölkənin digər rəhbərləri izləmişlər.

Yeri gəlmişkən, Y.Livey planetimizin kosmosa uçan 431-ci sakinidir.