“CİSCO” MDB MƏKANI ÜÇÜN VEB-KONFRANS TƏŞKİL EDƏCƏKDİR
Aprelin 16-da “Cisco” şirkəti kiçik və orta biznes şirkətlərinin informasiya texnologiyaları şöbələrinin rəhbərləri və texniki mütəxəssisləri üçün 5-ci rusdilli interaktiv veb-konfrans təşkil edəcəkdir.
Şirkətdən AZƏRTAC-a bildirmişlər ki, konfransda Azərbaycan, Ukrayna, Rusiya, Qazaxıstan və MDB-nin digər dövlətlərinin kiçik və orta biznes şirkətləri informasiya texnologiyaları şöbələrinin mütəxəssisləri iştirak edəcəklər. Tədbirdə “Cisco”nun məlumatların qorunması sahəsindəki nailiyyətləri müzakirə olunacaqdır. Veb-konfransı “Cisco” şirkətinin bu məsələlər üzrə mütəxəssisləri Aleksey Lukatskiy və Vasili Tomilin aparacaqlar.
Veb-konfrans zamanı xüsusi diqqət Cisco Security Agent (CSA)- agent proqramına veriləcəkdir. Bu proqram stolüstü sistemləri və serverləri şəbəkə hücumlarından qoruyur, proqramların və əməliyyat sistemlərinin anomal davranış hallarını aşkar edir.
Veb-konfransda iştirak edənlər http://www.cisco.com/go/semreg/urls/12774/17/160110_6 saytında qeydiyyatından keçməlidirlər.
Bölmənin digər xəbərləri
