CON KENNEDİNİN QƏTLİNİN ARAŞDIRILMASINDA YENİ FAKTLAR
Ey-Bi-Si noyabrın 20-də, Amerikanın ən məşhur prezidentlərdən birinin qətlinin 40-cı ildönümünə 2 gün qalmış bu faciə haqqında ikisaatlıq film göstərməyi nəzərdə tutur. Filmin əsasını təşkil edən təhqiqatların gedişində 1963-cü il 22 noyabr hadisələri kompüterin köməyi ilə ən xırda təfərrüatınadək bərpa olunmuşdur. Bunun üçün mütəxəssislər əldə olan xəritələrdən, videolentlərdən, məhkəmə-tibb ekspertizasının hesabatlarından və 500-dən çox fotoşəkildən istifadə etmişlər.
Jurnalistlərin gəldiyi qənaət Uorren komissiyası deyilən hökumət komissiyasının nəticələri ilə üst-üstə düşür. Xatırladaq ki, Kennedinin qətlini təhqiq edən bu komissiya, Osvaldın cinayəti təkbaşına törətdiyi qənaətinə gəlmişdi. Bununla belə, ictimai rəy sorğusuna görə, amerikalıların təxminən yarısı hesab edir ki, cinayətkarın şərikləri olmuşdur.
Bölmənin digər xəbərləri
